Salgirah Poetry by Famous Urdu Poets

Salgirah Poetry by Famous Urdu Poets

Salgirah Poetry main hum aap ke liye kuch poetry de rahey hein jo Faiz Ahmed Faiz Sahib Gohar Hoshiyarpuri are Baqar Mehdi ki hai. Umeed kartey hain ye aap ko pasand aaeygi.

Salgirah Shayari by Faiz Ahmed Faiz

Shaayar ka jashn e Salgirah hai sharab laa
Mansab, Khitabn, rutba unhein kya naheen mila
bas Nuqs hai to itna ke Mamduh ne koi
Misra kisi kitaab ke shayan nahin likha

  • Faiz

Gohar Hoshiyarpuri ki Salgirah Shayari

Dard ki sal-girah KHair se guzre ‘gauhar’
aa gai raat wahi chand-gahan hone ki

  • Gohar Hoshiarpuri
salgirah poetry

Salgirah Poetry BY Baqar Mehdi

Mera Janam Din
Baqar Mehdi

zehn pe ek ghataa si chhai hai

lafzon ki an jaani boondein bars rahi hain

koi mani shayad niklen

ZaKHmi taair mere qalam se lipaT gaya

aur us ke pehlu mein ek nanhaa sa teer hai

teer mein ek kaghaz bhi hai

ab ke mere janam din par

kiss ne mujhko yaad kiya hai?

main ne kaaghaz khol ke dekha

kuchh bhi na tha

Sirf TuTi TuTi chand lakeerien theen

aise Khat aatey rahtey hain

naam naheen hota jin par

baat naheen banti lekin

baat baneygi kaise?

jab pahlu mein KHar lagaa ho

aankhon mein nam aa bhi chuka ho

janam janam ke saudey mein tum

sab sey aagey nikal gaey ho

sare sathi chhuT gae

gham ke chhaale phuT gae

jine ki ummid nahin hai

Phir Bhi tum ab tak jitey ho

umar tumhaari maut se aage nikal gai hai

sannaTe mein jina kitna mushkil hai

KHwahish ke sadme bhi nahin hain

Salgirah Mubarak ki wishes aur message ke liye humari post parhein Salgirah Mubarak Shayari aur Saligirah Messages.

Humarey Facebook Salgirah Mubarak Page ko zaroor pasand farmaaiyega.

is post ko parh ker aap ko kese laga humain zaroor bataiyega. Hum ko aap ke comments ka behad intezar rehta hai. aap ki buhat meherbani. Ye post apne doston ke sath bhi zaroor share kijiyega.

Spread the love
Share

Leave a Reply

Your email address will not be published. Required fields are marked *